Уэльсда дафн маросимиларни ўтказиш билан шуғулланувчи агентликнинг марҳум хўжайинига тегишли бўлган автомобиллар коллекцияси кимошди савдосида сотилади. Унинг гаражида 38 та автомобиль бўлган, шулардан 8 таси тобут ташишга мўлжалланган машиналардир. Бу ҳақда The Sun нашрига таяниб, «Мотор» хабар берди.
Бундан ташқари бизнесмен коллекциясида бир нечта спорткарлар ҳам мавжуд бўлган. Гап Nissan GT-R, шунингдек, иккита Porsche 911 кабриолети ҳақида кетмоқда.
Шунингдек, коллекцияда классик машиналар ҳам бўлган. Масалан, 1964 йилда ишлаб чиқарилган Chevrolet Fleetmaster ва 1968 йилги Jaguar S-Type.
Автомобильлар 17 июнь куни Richard Edmonds Auctions кимошди cавдолар уйида сотилади. Марҳум коллекциясидаги машиналарнинг умумий қиймати 150 минг фунт стерлингга (194 минг доллар) баҳоланмоқда.
Изоҳ (0)