Qozog‘istonda rasmiy dilerlar tomonidan joriy yilning besh oyi davomida umumiy miqdori 130,2 milliard tengega (412 608 239 dollar) teng bo‘lgan 15707 dona avtomobil savdosi amalga oshirildi, deb xabar berdi “1news.uz”.
Qozog‘iston avtomobil biznesi assotsiatsiyasining ma’lumotlariga (AKAB) ko‘ra, may oyining natijalari bo‘yicha avtomobillarning rasmiy savdosi aprel oyiga nisbatan 5 foizga ortgan.
Eslatib o‘tamiz, Qozog‘iston Hyundai, Toyota, Lexus, Chevrolet, Lada va JAC kabi tijorat avtomobillarini eksport qiladi.
Savdo hajmining asosiy ulushi yo‘ltanlamaslarga to‘g‘ri kelmoqda. Bu yil boshidan beri rasmiy savdo hajmining 41 foiziga (6369 dona) teng bo‘lib, 69,8 millard tengeni tashkil etadi. Ikkinchi o‘rinda sedanlar bo‘lib, 1521 dona sotilgan. 2017-yilning boshidan beri rasmiy dilerlar tomonidan umumiy miqdorda 35,03 milliard tengelik 6354 dona sedan sotilgan.
May oyida import qilingan avtomobillar umumiy savdo hajmining 63,6 foizini tashkil qilgan. Hisob-kitoblarga ko‘ra, o‘tgan oydagi import qilingan avtomobillar ulushi 65,7 foizga teng bo‘lgan. Qozog‘iston avtomobil sanoatining ulushi 36,4 foizga ko‘tarilgan. May oyidagi savdo hisob-kitoblariga ko‘ra, Toyota avvalgidek yetakchilikni saqlab qolmoqda (814 dona sotilgan). Bu natijada 2017-yilning apreliga nisbatan 1 foizga ko‘p demakdir. Ikkinchi o‘rinni Lada (633 dona) avtomobil markasi, uchinchi o‘rinni esa Ravon egalladi (256 dona). Shuningdek, aprel oyida Hyundai, Lexus, Gaz, UAZ kabi brend avtomobillari ham sotilgan.
Izoh (0)