Россия автоэкспертлари мамлакат бозоридаги энг арзон чет эл машиналари рейтингини тузди, деб ёзади «1news.uz». Биринчи учта ўринни Хитой автомобиль саноати вакиллари эгаллади.
Рейтингнинг биринчи поғонасида 362 минг рубллик (6350 доллар) Lifan Smily жойлашди, у мутахассислар фикрича, ташқи жиҳатдан BMW автомобилига ўхшаб кетади. Иккинчи ўринни тахминан 410 минг рубллик (7200 доллар) FAW V5 седани эгаллади. Етакчи учликка Geely GC6 якун ясади — ушбу моделни Россияда 420 минг рублга (7370 доллар) харид қилиш мумкин.
Юқори бешликка, шунингдек, Япониянинг Datsun on-DO ва Ўзбекистоннинг Ravon R2 автомобиллари кирди. Уларнинг нархи тегишли равишда 436 (7650 доллар) ва 439 минг рублни (7700 доллар) ташкил этди.
Изоҳ (0)