Тошкент шаҳрида 8 июнь куни учта йўл-транспорт ҳодисаси қайд этилди, мазкур авариялар оқибатида 2 нафар шахс тан жароҳати олган, 1 киши вафот этган. Бу ҳақда Тошкент шаҳар ИИББ матбуот хизмати хабар бермоқда.
8 июнь куни йўл-патруль хизмати инспекторлари томонидан жами 4107 та ҳуқуқбузарликлар бўйича маъмурий баённомалар расмийлаштирилган бўлиб, шулардан 924 тасини қўпол турдаги, 12 тасини маст ҳолда транспорт воситасини бошқариш ташкил этган.
Тошкент шаҳар ИИББ ЙҲХБ компьютерлаштирилган бошқарув тизими томонидан 8 июнь куни жами 1145 та қоидабузарликлар қайд этилган бўлиб, шулардан 646 тасини светофорнинг тақиқловчи чироғига бўйсунмасдан ҳаракатланиш, 499 тасини белгиланган меъёрдан юқори тезликда ҳаракатланиш ташкил этади.
Изоҳ (0)