2016 йилнинг ноябрида «Ўзбекистон темир йўллари» акциядорлик жамиятига қарашли қурилиш ташкилотлари томонидан бошланган «Юнусобод» йўлининг «Шаҳристон» ва «Туркистон» бекатларигача бўлган масофадаги қурилиш ишлари давом этмоқда.
Икки бекат оралиғидаги жами масофа 2,7 километрни ташкил қилади. Жараённи амалга оширишда 50 дан ортиқ замонавий техника ва 200 нафардан зиёд ишчи кучидан фойдаланилмоқда. Лойиҳа бўйича қурилиш ишлари икки йилга мўлжалланган бўлса-да, қурувчилар уни муддатидан олдин ниҳоясига етказишларини маълум қилган.
Мавжуд иккита шахта ва туннелда қурилиш ишлари авж паллага кирган. Қурувчилар электрлаштириш жараёнига алоҳида эътибор қаратиб, замонавий ер ости йўли барпо этишга интилмоқда. Айни пайтда метро йўналишларида фойдаланиладиган вагонлар «Тошкент йўловчи вагонларини қуриш ва таъмирлаш заводи» акциядорлик жамиятида тубдан таъмирланмоқда, янгилари ишлаб чиқарилмоқда.
Эслатиб ўтамиз, бекатлар қурилиш ишларини якунлаш Ўзбекистон Президенти Шавкат Мирзиёевнинг 2016 йилнинг сентябрь ойидаги топшириғи бўйича тузилган режа асосида кетмоқда.
Изоҳ (0)