Жаҳонда комплекс коммуникация ечимларини етказиб берадиган етакчи компанияларидан бўлган ZTE 1985 йилда ташкил топган бўлиб, Ўзбекистон бозорида 2003 йилдан буён фаолият кўрсатиб келади.
Шу йиллар давомида компания ҳар йили маҳаллий қариялар уйига хайрия маблағлари ажратиш, бошланғич ва ўрта синфларга компьютерлар, олий ўқув юртларига ахборот ускуналарини беғараз тақдим этиш каби ижтимоий аҳамиятга эга ишларни амалга оширмоқда.
2016 йил охирида Самарқанд чет тиллар институтига ZTE Smart Classroom тақдим этилди. Ушбу олий ўқув юртида ахборот технологиялари соҳасида таълим даражасини такомиллаштириш ва маҳаллий талабаларнинг Хитой тилини ўрганиш самарадорлигини ошириш мақсадида ZTE компанияси ва Самарқанд чет тиллар институти мазкур институт профессорлари учун умумий қиймати 100 миллион АҚШ долларидан зиёд Smart Classroom тизимини беғараз асосда етказиб бериш орқали ёрдам кўрсатиш тўғрисидаги шартномани имзолади.
Smart Classroom тизими институт ўқитувчи ва талабаларига янги таълим моделидан фойдаланиш қулайликларини яратиб беради. Улар мазкур тизим ёрдамида реал вақт режимида интерфаол ўқув жараёнини амалга ошириши, ўқитувчилар эса дарсларни янада самарали ўтиши, маъруза пайтида ҳар бир талабанинг билим олиш самарадорлигини ўз вақтида бошқариш бўйича тажриба орттириши мумкин.
Шунингдек, маърузалар жараёнида ўқитувчи ва талабалар реал вақт режимида ўзаро ҳамкорлик қилиб, ўтилган мавзулар бўйича керакли материалларни такрорлаш ва топиш имкониятига эга. Келажакда Smart Education платформаси жорий этилгач, ўқитувчи ва талабалар платформада ўз ўқув материаллари билан ўртоқлашиб, ундан ўзларига керакли ўқув материалларини олиши ҳам мумкин. Замонавий Green Education ва Smart Education таълимини ўзида мужассам этган ушбу педагогик ишларда умуман қоғоз ишлатилмайди.
Ўзбекистон Республикаси Олий ва ўрта махсус таълим вазирлиги, олий ўқув юртлари компаниянинг Smart Education бўйича қарорини тўлиқ тасдиқлади. Тизимдан фойдаланиш ҳолатига қараб, ҳамкорлик янада ривожлантирилади ва Ўзбекистон Республикасида Smart Education соҳасини кенгайтириш давом эттирилади.
Реклама ҳуқуқи асосида
Изоҳ (0)