Оқ Уй матбуот котиби биринчи ўринбосари Сара Ҳакаби-Сандерснинг уч ёшли боласи онасининг Twitter’даги аккаунтида ёзув қолдириб, шов-шувларнинг сабабчиси бўлди. Бу ҳақда «ТАСС» хабар берди.
Ота-онасининг йўқлигидан фойдаланган Сара Ҳакаби-Сандерснинг уч ёшли ўғли Ҳак онасининг смартфонини ўйнаб, унинг Twitter’даги расмий аккаунтида кўплаб рақамлар, ҳарфлар ва белгилардан иборат ёзув қолдирди.
https://twitter.com/SHSanders45/status/873524794557333504
Топишмоқли йўлланма тахминан икки ярим соатда бир неча минг изоҳ йиғди ва тахминан шунча марта қайта пост қилинди. Twitter фойдаланувчилари, асосан, Сара Ҳакаби-Сандерснинг «рақамланган йўлланмаси» нимани англатишини ва унинг кимга йўналтирилганини топиш учун бош қотирган.
Жавобни Ҳакаби-Сандерснинг ўзи маълум қилган. «Мана нима бўлади, агар уч ёшли боланг телефонингни ўғирласа. Раҳмат, Ҳак!»
https://twitter.com/SHSanders45/status/873548063973027840
Ҳакаби-Сандерснинг бошлиғи — Оқ уй матбуот котиби Шон Спайсер ўзининг микроблогида Ҳакнинг ўхшамаган ёзуви ва унинг онаси томонидан берилган тушунтиришни пост қилган.
Изоҳ (0)