Бирлашган Араб амирликларидаги Ажман шаҳрининг саноат зонасида 11 июнь, якшанбага ўтар кечаси бир неча омбор ёниб кетди. Бу ҳақда UAE Inside хабар бермоқда.
Фуқаро мудофааси вазирлиги барча бинолар бошдан-оёқ кулга айланганини тасдиқлади, бироқ қурбонлар қайд этилмади.
Ҳодиса эрталабки соат 2:30 да рўй берди. Ўт ўчирувчилар ёнғинни бартараф этди ва олов қўшни биноларга ўтишининг олдини олди. Хатарли ҳудудда бўлган ишчилар хавфсизлигини таъминлаш ва йўлни тўсиш учун воқеа жойига қутқарувчилар ва полиция етиб келди.
Ёнғин сабаби ҳозирча маълум эмас. Алангаланиш сабаби ва тафсилотларини ўрганиш учун мутахассислар гуруҳи юборилди.
Изоҳ (0)