Польшанинг Свиноуйсьце шаҳридаги LNG-терминалга илк бор АҚШдан суюлтирилган газ ортилган кема етиб келди. Бу ҳақда «Корреспондент.net» хабар бермоқда.
Мамлакат PGNiG нефть-газ концерни вице-президенти Мацей Возьнякка кўра, газ қисқа муддатли шартнома доирасида Cheniere Energy компаниясидан сотиб олинди. АҚШ эса Польша энергия таъминоти манбаларини диверсификациялаш жараёнида газ харид қилаётган Яқин Шарқ ва Норвегиядан кейинги минтақа бўлди.
Бу АҚШ газининг нафақат Польша, балки Шимолий Европага ҳам биринчи бор келтирилиши эканлиги билдирилмоқда. Олдинлари Америка суюлтирилган гази фақат Жанубий Европа, жумладан, Испания ва Туркияга етказиб бериларди.
Изоҳ (0)