МДҲдаги машҳур тарихий шаҳарлар рўйхатидан Самарқанд, Бухоро, Хива шаҳарлари ҳам жой олди

ТурСтат агентлиги туристлар орасида машҳур бўлган МДҲнинг тарихий шаҳарлари рўйхатини тузиб чиқди, деб хабар берди «Казинформ».

Маълум бўлишича, МДҲ давлатларининг сайёҳлар орасидаги энг машҳур қадимий тарихий шаҳарлари, асосан, Марказий Осиёдаги Буюк Ипак йўли, Қозоғистон ва Кавказорти ҳудудларига жойлашган.

Шундай қилиб, МДҲнинг тарихий шаҳарлари топ ўнлигидан Туркистон (Қозоғистон), Самарқанд (Ўзбекистон), Бухоро (Ўзбекистон), Тароз (Қозоғистон), Ганжа (Озарбойжон), Витебск (Белоруссия), Хива (Ўзбекистон), Гумри (Арманистон), Хўжанд (Тожикистон) ва Марв (Туркманистон) шаҳарлари жой олган.

Рўйхат турлар таклифи ва минтақавий сайёҳлик идоралари маълумотларини таҳлил қилиш асосида тузиб чиқилган.

ТурСтатънинг маълумотларига кўра, Туркистон шаҳрини йилига 1 миллиондан ортиқ турист ҳамда зиёратчилар, 2000 йил олдин асос солинган Тароз шаҳрига эса бир йил давомида 500 минг туристлар ташриф буюради.