Теҳрон шаҳри яқинида жойлашган Хумайний мақбарасига ҳужум қилган шахслардан бири калий цианид ичиб ўз жонига қасд қилди. Бу ҳақда Эрон телеканали Press TV’га таяниб, Meduza хабар берди.
Аввалроқ, Эрон ОАВлари мақбарага ҳужум уюштирган шахслардан бири портловчи қурилмани ишга тушуриб юборгани ҳақида хабар берилган эди. «Меҳр» агентлигининг маълумотларига кўра, мақбаранинг ғарбий ҳовлисидаги портлашни шу худкуш амалга оширган.
Эрон ОАВнинг хабар беришича, мақбарага ҳужумни уч нафар шахс амалга оширган. Ҳужум уюштирганларнинг бири ўзини портлатиб юборган, норасмий манбаларга кўра яна бири полиция томонидан отиб ўлдирилган. «Меҳр»нинг хабарига кўра эса уларнинг яна бирини полиция қуршаб олган.
Расман тасқидланмаган маълумотларга қараганда, мақбарага уюштирилган ҳужум оқибатида беш киши жароҳат олган.
Теҳронда содир бўлган терактлар бўйича масъулиятни ИШИД террорчилик ташкилоти ўз зиммасига олди.
Мавзуга доир: ОАВ Эрон парламентида отишма бўлганини маълум қилди
Изоҳ (0)