Жеки Чан Қозоғистонда бўлиб ўтадиган Хитой киноси фестивалида иштирок этиш учун Остонага етиб келди. Бу ҳақда Kazakhstan Today хабар бермоқда.
Машҳур актёрни кутиб олиш суратлари интернет тармоқларида тарқалиб кетди. Жумладан, актёрни кутиб олувчилар орасида Остона акими Асет Исекешевни ҳам кўриш мумкин.
«Қозоғистонда Хитой туризми йили бошланди. Жеки Чан Остонада», — деб ёзди пойтахт раҳбари Facebook’даги саҳифасида.
Аввал хабар қилинганидек, 7 июнь куни Қозоғистон медиа маркази концерт залида Хитой киноси фестивали очилиши бўлиб ўтади. Очилиш маросимида Жеки Чан «Кунг-фу йога» фильмини тақдим этади. Унда актёр Жеки исмли хитойлик археолог ролини ижро этган.
Изоҳ (0)