Жасур Иброҳимовнинг ўлимида айбдорларни жазога тортишни сўраб уюштирилган петиция имзоланди. Дарё фоторепортажи

Боровский коллежи ўқувчиси, коллеждошлари томонидан калтакланганидан сўнг оламдан ўтган ўсмир Жасур Иброҳимовнинг ўлимида айборларни жазога тортиш талаб этилган петиция имзоланди.

Имзолаш Дўстлик (собиқ Бобур) боғи ҳудудида бўлиб ўтди. Мурожаат Ўзбекистон Республикаси Ички ишлар вазири номига йўлланган бўлиб, уни қарийб 400 киши имзолади.

Петицияни имзолаш учун келган фуқароларга Тошкент шаҳар ИИББ бошлиғи ўринбосари Тергов бошқармаси бошлиғи Дониёр Тошхўжаев ҳолат юзасидан жиноят иши қўзғатилгани ва тергов ишлари олиб борилаётганини маълум қилди.

Ўз навбатида, шу масалада очилган онлайн петицияни имзолаганлар сони 8500 кишидан ошди.

Петиция имзолаш жараёни ички ишлар идоралари назоратида тартибли бўлиб ўтди.

«Дарё» воқеа жойидан фотосуратлар тақдим этади.

Эслатиб ўтамиз, Тошкентдаги Боровский номидаги коллежнинг 2-курсида таълим олувчи Жасурбек Иброҳимов 1 июнь куни касалхонада вафот этди. У 3 май куни коллеждошлари томонидан қаттиқ калтакланган, шундан сўнг касалхонага тушган эди. Шифокорлар жабрланувчини беш марта операция қилган, бироқ унинг ҳаётини сақлаб қола олмаган. Марҳумнинг онаси айбдорларни жазолашни сўраб, Ўзбекистон Президентига мурожаат қилди. Тошкент шаҳар ИИББ бунинг юзасидан расмий баёнот берди.

Мавзуга доир:

Боровский коллежи ўқувчилари аёвсиз дўппослаган йигит вафот этди, марҳумнинг онаси Ўзбекистон Президентидан ёрдам сўради. Асосий маълумотлар