Ички ишлар вазирлиги тизимида қатор муҳим тайинловлар амалга оширилди

Ўзбекистон Ички ишлар вазирлиги тизимида қатор тайинловлар амалга оширилди, деб ёзади «Uznews.uz» ИИВнинг «На посту» газетасига таяниб.

Хусусан, ИИВнинг «Постда», «На посту» газеталари ҳамда «Қалқон», «Шчит» журналлари Бирлашган таҳририятининг бош муҳаррири этиб подполковник Турғунов Илҳом Турғунович тайинланди.

Бердиалиев Бахтиёр Эркинович ИИВ ҳузуридаги Тергов департаменти тергов фаолиятини ташкил қилиш бошқармаси бошлиғи этиб тайинланди.

Қашқадарё вилояти Ички ишлар бошқармаси бошлиғининг биринчи ўринбосари подполковник Турдиев Самад Териқулович бўлди.

Кенжабоев Валижон Алиевич Самарқанд вилояти ИИБ бошлиғи ўринбосари — ижтимоий ва молиявий таъминот хизмати бошлиғи бўлди.

Хоразм вилояти ИИБ бошлиғи ўринбосари — Тергов бошқармаси бошлиғи лавозимига Алимов Шаҳзод Қўрқмасович тайинланди.

Абдулҳақов Яҳёжон Ортиқбоевич Жиззах вилояти ИИБ бошлиғи ўринбосари — Тергов бошқармаси бошлиғи лавозимига тайинланди.