Наманган вилоятида қишлоқ жойларида фаолият кўрсатадиган шифокорлар учун хизмат уйлари қуришга киришилди. Улардан бири Янгиқўрғон туманининг Қораполвон қишлоғида барпо этилди. Бу ҳақда «Дарё»га туман ҳокимлиги ахборот хизмати маълум қилди.
Қораполвон ҚВП биносининг орқа томонида 4 сотих ер ажратилиб, барча қулайликларга эга бўлган 5 хонали уй фойдаланишга топширилди. Қишлоқ аҳли ҳам четда туришни ўзига эп кўрмади: ҳашар йўли билан атрофи бетор девор билан ўралиб, дарвоза қурилди.
Шунингдек, ҳовлида узунлиги 10 метр, эни 4 метрли иссиқхона ҳам барпо этилди. Айни пайтда бу ерда лимон кўчатлари ва турли кўкатлар парвариш қилинмоқда.
Узоқ ҳудуддан қатнаб ишловчи шифокор Отамирза Қозоқов йўл учун вақт ва маблағ сарфламаслик, энг асосийси, куну тун қишлоқ аҳлига тиббий хизмат кўрсатиш имконига эга бўлди.
Изоҳ (0)