Алишер Усмонов ўзининг медиаактивларида ҳеч қандай цензурани жорий этмаган. Миллиардерни «Коммерсантъ» нашриёт уйида цензура қўллаганликда айблаган мухолифатчи Алексей Навальнийга Усмоновнинг матбуот хизмати шундай жавоб қайтарди, дея маълум қилди «РБК».
Хабарда «Власт» журнали собиқ бош муҳаррири Максим Ковалский 2011 йилда нашриёт уйини томонларнинг келишувига асосан тарк этгани билдирилган.
«Жаноб Навальний томонидан Усмонов цензурани жорий этгани юзасидан ҳеч қандай далиллар тақдим этилмади. Қолаверса, этик тортишувга сабаб бўлган материал на чиққунча, на чиққандан сўнг цензура қилинмаган ва ҳозиргача ‘Коммерсантъ’ нашриёт уйи сайтида турибди», — дейилади матбуот хизмати хабарида.
Максим Ковалский нашр Путин шаънига нисбатан ҳақорат битилган сайлов бюллетени фотосини чоп этганидан сўнг «Власт» журнали бош муҳаррири лавозимини тарк этганди. Нашрнинг бош акциядори бўлган Усмонов бундай фото чиқишини «безорилик» деб атаганди.
Ковалский 2011 йил 13 декабрь куни ишдан бўшатилди. Орадан 3 кун ўтиб, мазкур қарор бекор қилинди ва томонлар Ковалский лавозимидан ўзаро келишувига мувофиқ кетгани ҳақида қарор қабул қилди.
Изоҳ (0)