Ҳиндистонда 9 кишини ўлдирган филни қайта тарбиялаш учун юборишди (видео)

Ҳиндистоннинг Керала штатида тўққиз кишини ўлдирган 40 ёшли филни тутиб олишди, деб ёзади Daily Mirror.

Уч йил давомида маҳаллий аҳолини даҳшатга солган филни Палгхат округидаги дарё атрофида ўтлаб юрган ҳолда кўришди. Ўрмон ходимлари ва тўрт ветеринар ўргатилган филларни миниб, унинг ортидан борди ва хавфсиз жойга ҳайдаб киргизди. У ерда жониворга транквилизатор солинган найзачани отишди.

Ҳайвонни қайта тарбиялаш учун филларни қўлга ўргатиш марказига олиб кетишди.