Пхеньян томонидан баллистик ракета учирилиши ўзини мудофаа қилишга бўлган қонуний ҳуқуққа биноан амалга оширилди. Бу ҳақда Шимолий Корея вакили Женевада бўлиб ўтган қуролсизланиш бўйича конференциясида маълум қилди, дея хабар беради «ТАСС».
«29 май куни ракета учирилиши ўзини мудофа қилишга бўлган қонуний ҳуқуқимизга мувофиқ, АҚШнинг Корея яриморолида кескинликни ошираётган тажовузкорона ҳаракатларига қарши туриш учун амалга оширилди. Шу сабабли қатор давлатларда ракета синови муносабати билан янграган Пхеньян шаънига танқидни ички ишларимизга аралашиш деб қабул қиламиз», — деди КХДР вакили.
У, шунингдек, Шимолий Корея мудофаани мустаҳкамлаш чоралари юзасидан масала кўтарадиган, бироқ АҚШ қитъалараро баллистик ракета синовлари ўтказишига муносабат билдирмайдиган БМТ Хавфсизлик кенгашини танқид қилди.
Изоҳ (0)