Таиланднинг Нонг Буалампху провинциясида юк машина ҳайдовчиси бошқарувни йўқотиб қўйиб, йўл бўйидаги ресторанга бориб урилди. Бу ҳақда «РИА Новости» нашрига таяниб «Корреспондент.net» хабар берди.
Хабарда айтилишича, юк машинаси ресторан столларига бориб урилгунга қадар автотураргоҳдаги бешта автомобиль ва иккита мотоциклга ҳам шикаст етказган. Воқеа жойида бир киши ҳалок бўлган, саккиз нафар жароҳат олганлар шифохонага етказилган. Улар орасидан бир нафар эркак ва ёш аёлнинг жони шифохонада узилган.
Тергов ҳозирча нохуш ҳодисанинг аниқ сабабини аниқлаганича йўқ. Юк машина ҳайдовчисининг қонидан алкоголь ёки наркотик модда қолдиқлари аниқланмаган.
Изоҳ (0)