Бошқирдистон пойтахтида бир йилдан ортиқ давом этган ноодатий суд жараёни якун топди. Ишдаги даъвогар катта ёшли эркак, жавобгар эса беш ёшли бола, деб ёзади «MK.ru».
Даъвогар аризасида бола гўёки велосипедда сайр қила туриб, йиқилиб тушгани ва боши билан унинг машинаси қанотига урилиб, уни пачоқ қилганлигини маълум қилган.
Эркак полицияни чақириб, зарарни қайд этган ва жиноят иши қўзғатишни талаб қилган, бироқ рад жавобини олган. Шунга қарамасдан, қайсар автомобиль эгаси бола устидан судга шикоят киритган.
Биринчи инстанция суди бола айбдор эканлигини исботловчи далиллар йўқлигига қарамасдан, даъвогарни ҳимоя қилди ва боланинг ота-онасидан 20 минг рубль ундириш ҳақида қарор чиқарди.
Қарордан норози бўлган ота-она республика Олий судига шикоят берди. Суд, ўз навбатида, ишни ўрганиб чиқиб, жип эгасининг талабларини рад этди.
Изоҳ (0)