Франция жануби—ғарбидаги Ланди департаментида яшовчи 50 ёшли аёл пенсиясини олиш учун кекса онасининг жасадини камида 7 йил музлатгич камерасида сақлаб келган. Бу ҳақда «РИА Новости» хабар бермоқда.
Аёл фирибгарликда гумон қилиниб, жандермерияга чақирилди. Сўроқ чоғида у 83 ёшида вафот этган онасининг жасади ҳалигача кўмилмагани ва боғда яшириб қўйилган музлатгич камерасида сақланишини билдирди. Мазкур музлатгич фақат шу мақсадда ишлатилган.
Тергов кекса аёлнинг ўлими табиий сабаблар туфайли рўй берганига аниқлик киритмоқда. Унинг пенсияси ойига салкам 2 минг еврони ташкил этган.
Изоҳ (0)