Оддий ёки дарё қундузи Осиё ва Европада кенг тарқалган. Улар Франциянинг Лаура водийси ҳам истиқомат қилишади. Маҳаллий сураткаш Луи-Мари Пре асосан ёввойи табиатни, жумладан, айиқларни, буғуларни, уккиларни ва бошқа ҳайвонот олами вакиллари суратга олади. У 15 йилдан ортиқ вақт давомида қундузларни кузатиб келмоқда, деб хабар берди National Geographic.
Кунларнинг бирида Луи-Мари ушбу ҳайвонлар иштирокидаги ноодатий воқеани ёдга олади: қундуз сураткашнинг кўз олдида пўстлоғи ва барглари оила аъзоларининг очлигини қондириши лозим бўлган новдани топиб келади. Бироқ ўша вақтда Луи-Маренинг ёнида фотоаппарати бўлмагани сабаб кўрган воқеасини бошқаларга фақат оғзаки айтиб беришига тўғри келган.
Сураткаш қундузнинг сув остида емиш топишини расмга олиш мақсадида ҳар куни сув остида сузишга мўлжаллаган кийим ёрдамида дарё тубига тушиб, 2—3 соат қимирламай ётган. Унинг сабри тўрт йилдан сўнггина мева берди: у сув остидаги инида ўзини кутаётган уч нафар боласига терак новдасини олиб кетаётган катта қундузни суратга олишга муваффақ бўлди.
Изоҳ (0)