Нархи уйники билан тенг телевизорлар: дунёдаги энг қимматбаҳо 5 та модель (фото)

«Hi-tech.mail.ru» дунёдаги энг қимматбаҳо телевизор моделлари билан таништирди.

Samsung UE105S9 — 100 минг долларлик ботиқ телевизор

Ҳашаматли 105 дюймли Samsung UE105S9 5K дисплейга эга ва 3Dни қўллаб-қувватлайди. Ultra HD ботиқ экран тасвирнинг реаллиги даражасини оширади ва фильмларни томоша қилишни максимал даражада қулайлаштиради.

LG 105UC9V — 100 минг долларлик 3D’ли телевизор

Юқоридаги модель каби, бу ҳам 105 дюймли 5K экранга эга бўлиб, 3D форматини қўллаб-қувватлайди. Телевизор қулай ва енгил 3D кўзойнаклар билан бирга сотилади, улар батареясиз ишлайди.

AVQ VT88S CURVED — 88 минг долларлик ҳимояланган телевизор

Унинг асосий ўзига хос жиҳати — ҳимояланганлиги. Телевизор намлик ва чангдан IP66 стандарти бўйича ҳимояланган. Устига-устак, корпус ҳам мустаҳкам металлдан қилинган бўлиб, тасодифан ёки атайлаб етказилган зарарлар чўт ҳам бўлмайди. 88 дюймли 4K экранли  телевизор видеонинг барча форматларини, wi-fi’ни қўллаб-қувватлайди.

Sony KD-100ZD9 — 70 минг долларга 100 дюймли телевизор

У HDR Premium технологиясини қўллаб-қувватлайди ва ҳатто Netflix компаниясидан тавсияга ҳам эга бўлди. Гаджет X1 4K процессор билан жиҳозланган бўлиб, у ҳар қандай манбадан олинаётган видеосигнални Ultra HD’гача такомиллаштиради.

Bang & Olufsen BeoVision Avant 75 — 18 минг долларга энг мукаммал товуш

У 4K экран, шунингдек, акустика яратиш соҳасидаги жаҳон брендидан ажойиб товушга эга LED-телевизордир. У ноёб дизайнли алюминий корпусга эга, унинг таглиги (подставка) қурилмага 90 градусга бурилиш имконини беради.

Телевизорга умумий қуввати 450 Вт га тенг саккизта динамик ўрнатилган. Экрани 75 дюймли.