Ўзбекистонда HTC компаниясининг янги смартфони сотувга чиқди. Қурилма 5,7 дюймли ва 2560х1440 пикселли дисплей ҳамда Snapdragon 821 процессори билан жиҳозланган, деб хабар берди «Mobinfo.uz».
Смартфоннинг эътиборли жиҳатларидан бири асосий дисплей остида қўшимча дисплейнинг мавжудлиги (худди LG V20 смартфонидаги каби). Қўшимча экран боғланишлар ва дастурларга тез киришда, шунингдек, турли маълумотларни акс эттириш ва хабарларни қабул қилишда хизмат қилади.
HTC U Ultra’га пикселлари 1,55 микрометр бўлган 12 мегапикселли асосий камера ва 16 мегапикселли фронтал камера ўрнатилган.
Яна бир эътиборли жиҳати Sense Companion дастурига эга эканлиги. Ушбу дастур бошқа тизимлар, жумладан телефон, боғланишлар, хабарлар, дастурлар ва батарейкани бошқариш тизимлари билан узвий боғланган бўлиб, уларнинг вазифасини ўзлаштириб олади ва тарибга солиб туради.
HTC U Ultra’нинг техник тавсифи:
- 5,7 дюйм IPS ва 2560х1440 пикселли дисплей;
- 2 дюймли қўшимча IPS ва 160х1040 пикселли дисплей;
- Snapdragon 82164 битли тўрт ядроли процессор;
- Adreno 530 график тезлатгич;
- 4 Гб тезкор хотира;
- 64/128 Гб ички хотира (UFS 2.1);
- 12 мегапикселли асосий камера;
- 16 мегапикселли фронтал камера;
- аккумулятор сиғими 3000 мА/соат;
- Android 7.0 Nougat операцион тизим;
- 4G LTE мавжуд;
- бармоқ сканерига эга;
- стереодинамикаси BoomSound;
- ўлчамлари: 162,41 х 79,79 х 7,99 миллиметр;
- оғирлиги: 170 грамм.
Номи келтирилган қурилмани кўрсатилган нархда сотиб олишга «Дарё» нашри кафолат бермайди. Қурилмалар ва уларнинг нархлари ҳақидаги ахборот фақат танишиш учун тақдим этилган.
Изоҳ (0)