Samsung компанияси Galaxy S9 ва S9+ смартфонларини Star ва Star 2 кодли номлар остида тўлиқ кўламда ишлаб чиқишни бошлаб юборди, деб ёзади «Hi-tech.mail.ru» Кореянинг The Bell нашрига таяниб.
Ҳозирча бўлғуси смартфон ҳақидаги маълумотлар кўп эмас, аммо шуниси маълумки, унинг экрани Samsung Galaxy S8’никига ўхшаш бўлади. Шу тариқа, қурилмага миш-мишларда айтилганидек букиладиган эмас, шунчаки такомиллаштирилган Infinity экрани ўрнатилиши мумкин.
Шунингдек, Samsung таркибий қисмларни ишлаб чиқаришни анча тезлаштиришга ва прототипни ишлаб чиқиш даврини қисқартиришга муваффақ бўлган, бу эса Galaxy S9’ни шу йилнинг охиридаёқ ишлаб чиқаришни бошлаш имконини беради. Samsung компанияси Galaxy S9’ни одатдагидан эртароқ тақдим этиши мумкин.
Изоҳ (0)