Шри-Ланкада кузатилаётган тошқинлар оқибатида ҳалок бўлганлар сони 193 кишига етди, яна 94 киши бедарак йўқолган ҳисобланмоқда. Бу ҳақда AFP’га таяниб, «РИА Новости» хабар берди.
Олдинроқ 177 киши қурбон бўлгани ва 109 киши бедарак йўқолгани хабар берилгани.
Тошқинлар 26 май, жума куни бошланган кучли ёмғирлардан сўнг вужудга келди. Кўчки ва тошқинлар оқибатида 600 мингга яқин киши ўз уйини тарк этишга мажбур бўлди, 1,3 мингдан ортиқ уй вайрон бўлди, яна 7 мингта уйга зарар етди. Табиий офатдан жабрланган маҳаллий аҳоли ўз уйларига қайтишни бошлади.
Шри-Ланка, офат оқибатларини бартараф этишда ёрдам сўраб, БМТ ва Жанубий Осиё мамлакатларига мурожаат қилди. Хитой Шри-Ланкага умумий суммаси 2 миллион доллар атрофидаги гуманитар ёрдам жўнатишга ваъда берди.
Изоҳ (0)