Russia Today ва Sputnik телеканаллари журналистика стандартларига жавоб бермайди, улар ғийбат ва тарғибот қуролли ҳисоблангани сабаб Эммануэль Макроннинг сайловолди штабидан аккредитация ололмади. Бу ҳақда Франциянинг янги президенти россиялик ҳамкасби Владимир Путин билан Версалда бўлиб ўтган қўшма матбуот анжумани жараёнида маълум қилди, деб хабар берди «Ведомости».
Макронга сайловолди штабига россиялик журналистлар ва чет эл журналистлари билан алоқа ўрнатишда «дуч келинган қийинчиликлар» борасидаги саволни RT France канали ходими Ксения Фёдорова берди.
«Бизнинг чет эл журналистлари билан алоқаларимиз аъло даражада, фақат улар ростдан ҳам ҳақиқий журналист бўлса», — дея жавоб берди Макрон.
Макрон Владимир Путин билан халқаро мавзуларда, жумладан, Суриядаги вазият бўйича «жавоб диалоги» уюштиришга ваъда берди. Шунингдек, Франция етакчиси Путин билан Украина муаммосини «ҳеч қандай ён беришларсиз» муҳокама қилиши таъкидлади.
Макрон жамоаси февраль ойида ўзларининг сайловолди штабига Россия томонидан йўналтирилган киберҳужумлар ҳақида хабар берган эди. Макроннинг «Олға» сиёсий ҳаракатини раҳбари Ришер Ферран RT ва Sputnik тарқатаётган ёлғон хабарлардан хавотирда эканлигини билдирди.
Изоҳ (0)