O‘zbekistonda HTC kompaniyasining yangi smartfoni sotuvga chiqdi. Qurilma 5,7 dyuymli va 2560x1440 pikselli displey hamda Snapdragon 821 protsessori bilan jihozlangan, deb xabar berdi “Mobinfo.uz”.
Smartfonning e’tiborli jihatlaridan biri asosiy displey ostida qo‘shimcha displeyning mavjudligi (xuddi LG V20 smartfonidagi kabi). Qo‘shimcha ekran bog‘lanishlar va dasturlarga tez kirishda, shuningdek, turli ma’lumotlarni aks ettirish va xabarlarni qabul qilishda xizmat qiladi.
HTC U Ultra’ga piksellari 1,55 mikrometr bo‘lgan 12 megapikselli asosiy kamera va 16 megapikselli frontal kamera o‘rnatilgan.
Yana bir e’tiborli jihati Sense Companion dasturiga ega ekanligi. Ushbu dastur boshqa tizimlar, jumladan telefon, bog‘lanishlar, xabarlar, dasturlar va batareykani boshqarish tizimlari bilan uzviy bog‘langan bo‘lib, ularning vazifasini o‘zlashtirib oladi va taribga solib turadi.
HTC U Ultra’ning texnik tavsifi:
- 5,7 dyuym IPS va 2560х1440 pikselli displey;
- 2 dyuymli qo‘shimcha IPS va 160х1040 pikselli displey;
- Snapdragon 82164 bitli to‘rt yadroli protsessor;
- Adreno 530 grafik tezlatgich;
- 4 Gb tezkor xotira;
- 64/128 Gb ichki xotira (UFS 2.1);
- 12 megapikselli asosiy kamera;
- 16 megapikselli frontal kamera;
- akkumulyator sig‘imi 3000 mA/soat;
- Android 7.0 Nougat operatsion tizim;
- 4G LTE mavjud;
- barmoq skaneriga ega;
- stereodinamikasi BoomSound;
- o‘lchamlari: 162,41 x 79,79 x 7,99 millimetr;
- og‘irligi: 170 gramm.
Nomi keltirilgan qurilmani ko‘rsatilgan narxda sotib olishga “Daryo” nashri kafolat bermaydi. Qurilmalar va ularning narxlari haqidagi axborot faqat tanishish uchun taqdim etilgan.
Izoh (0)