Буюк Британия ҳуқуқ-тартибот органлари Манчестердаги теракт бўйича тергов давомида яна икки кишини қўлга олди. Ҳозирги кунда сўроқ учун ҳибсда бўлиб турган гумонланувчилар сони 11 кишига етди, деб хабар беради «РИА Новости».
Тергов давомида жами 13 киши қўлга олинди, улардан икки нафари ҳеч қандай айблов эълон қилинмасдан қўйиб юборилди.
Манчестер полицияси баёнотига кўра, шаҳардаги икки манзилда тинтув ўтказилди. Улардан бирида назоратли портлаш амалга оширилди.
«Manchester Arena’даги ҳужумни тергов қилиш доирасида терроризм тўғрисидаги қонунни бузишда гумонланаётган 22 ва 20 ёшдаги эркаклар қўлга олинди», — дейилади полиция хабарида.
22 май куни Manchester Arena’да Ариана Гранденинг концерти вақтида теракт содир бўлди. Худкуш Салмон Обидий амалга оширган теракт оқибатида 22 киши, жумладан 12 бола ҳалок бўлди. Касалхоналардан қолаётган 66 кишидан 23 нафарининг аҳволи оғир. Ҳодиса учун жавобгарликни ИШИД гуруҳи ўз бўйнига олди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)