АҚШ президенти Дональд Трамп махфий маълумотлар чиқиб кетишига йўл қўйиб бўлмаслиги ҳақидаги фикрларга қўшилди. Бу ҳақда Буюк Британия бош вазири Тереза Мэй G7 саммити ишчи сессияси якунларига бағишланган матбуот анжуманида маълум қилди, дея хабар беради «ТАСС».
«Дональд Трамп билан суҳбатда Британия полицияси ФҚБ билан ўртоқлашган маълумотларнинг чиқиб кетиши масаласини кўтардим. У бунга йўл қўйиб бўлмаслигини билдирди. Лондон полицияси ҳам бу ҳақда ФҚБ томонидан ишонтирилган кўринади ва ахборот алмашинув жараёни тикланди», —дея таъкидлади Тереза Мэй.
Буюк Британия 25 май, пайшанба куни АҚШ билан Манчестердаги теракт текширувига оид маълумотлар билан алмашишни тўхтатди. Бу The New York Times газетасида Manchester Arena стадионида ҳаракатга келтирилган портловчи қурилма қисмлари фотолари эълон қилинганидан сўнг рўй берди.
Кейинчалик Вашингтондан махфий материалларни ошкор этмаслик кафолати олинганидан сўнг алмашинув тикланди.
Изоҳ (0)