Яхна чой ажойиб тарзда чанқоқни босади, асаб тизимига ижобий таъсир кўрсатади ва иш қобилиятини оширади. Янги тайёрланган совуқ чой – бу ёзги жазирама учун мукаммал ичимлик. У ҳам иссиқдан ҳимоя қилади ва ҳам тетиклаштиради. Уни тайёрлаш қийин эмас.
Фото: Depositphotos
Лимонли яхна чой
Масаллиқлар:
Қора чой – 3—4 ч.қ.
Сув – 1 л
Шакар ёки асал – 3 ош қ.
Лимон – 1 дона
Муз – таъбга кўра
Тайёрлаш: Сувни қайнатамиз ва қуруқ чой соламиз. Чойни дамлаймиз ва сузиб оламиз. Яримта лимоннинг шарбатини сиқиб оламиз ва чойга қўшамиз. Шакар сепамиз ва яхшилаб аралаштирамиз. Лимоннинг қолганини думалоқ шаклда кесамиз, идишга соламиз ва устига тайёрланган чойни қуямиз. Совутгичда совутамиз. Сузишдан олдин муз қўшамиз.
Мевали яхна чой
Масаллиқлар:
Олма – 1/3 дона
Нок – 1/3 дона
Шакар – 1,5 ч.қ.
Янги дамланган қора чой – 250 мл
Муз – таъбга кўра
Тайёрлаш: Олма ва нок бўлакларини майда қилиб тўғраймиз. Мадлер ёки шейкерда майдалаймиз. Шакар, музни қўшамиз ва устидан янги дамланган аччиқ чойни қуямиз. Ичимликни яхшилаб аралаштирамиз. Совитилган мевали чойни муз солинган пиёлаларга қуйишдан олдин сузиб оламиз. Салқинлатувчи ажойиб ичимлик тайёр!
Резавор мевали яхна чой
Масаллиқлар:
Газли сув – 2 пиёла
Сув – 500 мл
Қора чой – 2 ч.қ.
Малина – 2 пиёла
Шакар – таъбга кўра
Лайм, ялпиз – безак учун
Тайёрлаш: Малинани блендерда майдалаймиз, шакар қўшамиз, муз учун формаларга қуямиз ва музлатамиз. Чой дамлаймиз ва совитамиз. Катта идишда совуқ чой ва газли сувни аралаштирамиз, малинанинг музлаган бўлакларини қўшамиз. Лайм бўлаклари ва ялпиз барглари билан безаймиз.
Изоҳ (0)