Қорайган, доғ босган, эзилган — бундай бананлар ҳеч қачон иштаҳани очмайди. Лекин улар нонушта ёки ширинлик таркибида сизнинг махфий қуролингизга айланиши мумкин, чунки бу пишиб кетган бананлардаги кўп миқдорли шакарли пишириқлардаги шакар ўрнини боса олади. Шунингдек юқори даражадаги намлик рецептлардаги ёғлар миқдорини камайтиришга ёрдам беради.
Кейинги сафар ошхонангизда қорайган бананларни кўрсангиз, бу қимматли масаллиқдан рецептларингизда фойдаланинг.
Сутли коктейлни эслатувчи смузи
Музлатилган пишиб ўтиб кетган бананлар смузилар учун жуда мос. Дастурхонда пишиб ўтиб кетган бананларни кўриб қолсангиз — уларни пўчоғидан тозаланг, думалоқ шаклда кесинг ва музхонага қўйинг.Серсув бананли нон
Бу ширинлик учун эзилган бананлар жуда мос келади. Унчалик пишмаган мевалар эса аксинча, пишириқни бузади. Рецептингизга голубика қўшинг, устига жигарранг шакар сепинг ва мукаммал бананли нонлар тайёр бўлади!Фойдали печеньелар
Эзилиб пишиб кетган банан ва сули ёрмаси печеньедаги ун ва шакарнинг ўрнини бемалол босади. Бироз шоколад майдалари ва бодом ёғи қўшсангиз бу печеньени дунёдаги энг фойдали печенье деб ҳисобласа ҳам бўлади.Сутсиз музқаймоқ
Бананлар — уйда тайёрланадиган музқаймоқлар учун энг яхши ўрин босувчи ҳисобланади. Баъзилар музқаймоқ сифатида музлаган бананнинг ўзини ҳеч қандай қўшимчаларсиз ейишни хуш кўришади. Рецептни ёнғоқ ёғи, шоколад ва ҳатто протеин кукуни ёрдамида қизиқарлироқ қилиш мумкин.Бананли оладьилар
Енгил ва фойдали нонуштага нима тайёрлашни ўйлаётган бўлсангиз банан, тухум ва бир чимдим лимон қобиғидан тайёрланган зираворлардан оладьи пиширсангиз бўлади! Бу нонушта калорияси кам, лекин фойдали моддаларга жуда бой ҳисобланади.Манба: «Zdorovie.com»
Изоҳ (0)