Қулупнайли торт: ажойиб баҳорий ширинлик

Айни қулупнай мавсумида бу мевадан тайёрланган енгил ва майин творогли бисквитли торт — меҳмонлар келганида ёки шунчаки оилавий чойхўрлик вақтида дастурхонга тортиш учун ажойиб ширинлик.

Зарур масаллиқлар

• 2 та тухум
• 80 г ун
• 3 ош қошиқ шакар
• 10 г разрихлитель (хамирни юмшатувчи)
• 1 чимдим туз
• 1 ош қошиқ ўсимлик ёғи

• 300 г ёғли творог
• 300 г сметана
• 80 г сарёғ
• 150 г шакар
• 150 г қулупнай
• 15 г желатин

• 300 г қулупнай
• 10 г тез тайёр бўладиган желе
• 200 мл сув

Тайёрланиши

Хамирни ўсимлик ёғи билан ёғланган формага солиб, 180 даражагача қиздирилган духовкада 8—10 дақиқа пиширинг. Бисквитнинг тайёрлигини гугурт чўпи ёрдамида текшириш мумкин — чўп қуруқ бўлса, демак, бисквит тайёр.

Бисквит пишаётган вақтда торт учун крем тайёрлаб оламиз. Желатинни илиқ сувга ивитиб қўйинг. Қулупнайни ювиб, қуритинг ва бандидан тозаланг.

Қулупнай ва шакарни блендер билан аралаштиринг. Бир-икки ош қошиқ олиб қўйиб, қолган пюрени оловга қўйинг, бўккан желатинни қўшиб, у эриб кетгунича қайнатинг. Илиқ ҳолга келгунича совитинг.

Творогни сузғичдан ўтказиб олиб, юмшаган сарёғ ва сметана билан аралаштиринг. Сўнг желатинли қулупнайни қўшиб, аралаштиришда давом этинг. Хоҳишга кўра, бироз қулупнай кесиб, кремга қўшиш мумкин.

Совиган бисквитни формадан олмасдан туриб, унга қулупнайли пюре суринг. Устидан творогли кремни қўйинг ва торт совиши учун уни 30—40 дақиқага совитгичга қўйинг.

Вақтдан фойдаланиб, қулупнайли желе тайёрланг. Бир пакетча желени илиқ сувда эритинг, аралаштиринг ва желе тўлиқ эригунича бироз қиздиринг (аммо қайнатманг).

Қулупнайни паррак-паррак қилиб кесинг. Уларни творогли крем устидан айлантириб қўйиб чиқинг, устидан желенинг бир қисмини қуйинг. Желе қотиши учун 15 дақиқага совитгичга қўйинг.

Сўнг устидан яна желе қуйинг ва тортни тўлиқ қотиши учун яна 2—3 соат совитгичда қолдиринг (туни билан қолдириш ҳам мумкин).

Қулупнайли тортни совитгичдан олиб, эҳтиёткорлик билан, пичоқ ёрдамида формадан ажратиб олинг.

Манба: «Lady.tochka.net»