Уйда тайёрланган чизкейк – бу ўзига хос, майин, жуда мазали ва кўп маблағ талаб қилмайдиган пишириқ. Чизкейк учун пишлоқ – қаймоқ, қатиқ ва ряженкадан тайёрланади.
Керакли масаллиқлар:
Асоси учун- Қумоқ печенье — 200 г
- Сариёғ — 80 г
- Қатиқ — 500 г
- Ряженка — 1000 г
- Қаймоқ — 500 г
- Тухум — 3 дона
- Шакар — 100 г
- Крахмал — 2 ош қ.
Тайёрланиши:
Биринчи навбатда пишлоқ тайёрлашимиз керак. Бунинг учун қатиқ, қаймоқ ва ряженкани бир идишга солиб аралаштирамиз ва тўлиқ музлагунча музлатгичга қўямиз.Бундай озиқ-овқатлар тахминан 6–8 соатда музлайди. Пишлоқ тайёрлашда ишлатиладиган масаллиқларни иложи борича энг ёғлиларидан танлаганингиз маъқул. Музлаган аралашмани идишдан осон ажратиб олиш учун, идишнинг сиртидан қайнатилган сув қуйинг.
Музлатилган массани қалин матога ёки 4—6 қават қилиб букланган докага солинг ва учларини тугиб, хона ҳароратида эриши учун илиб қўйинг. Зардоби чиқиб кетиши учун унинг тагига идиш қўйинг.
Зич ва бир текис пишлоқ ҳосил бўлади.
Бундай пишлоқни совутгичда тахминан 4 кун сақласангиз бўлади.
Пишлоқ тайёр бўлгандан кейин чизкейк тайёрлашни бошлашингиз мумкин.
Печеньени жуда майда қилиб ушатинг.
Сариёғни эритинг ва уни печеньега қўшиб аралаштиринг.
Ҳосил бўлган аралашмани формага солиб маҳкам шиббалаб босинг.
Форманинг диаметри 20 сантиметр бўлгани маъқул.
Пишлоқли қатламни тайёрлаймиз. Пишлоққа шакар, крахмал ва тухумни қўшамиз. Ҳаммасини яхшилаб аралаштирамиз. Юмалоқчаларсиз бир текисдаги масса ҳосил бўлади.
Пишлоқли массани формага жойлаймиз ва тўғрилаймиз. Чизкейкни духовкада бир соат давомида 150–160ºC ҳароратда пишириб оламиз.
Чизкейкнинг усти сал сарғайиши ва маркази желе каби бироз лиқиллаб туриши керак.
Тайёр чизкейк тўлиқ форма ичида совийди.
Чизкейк тайёр бўлгандан сўнг формадан кесиб олинг ва идишга қўйинг. Ва 4 соат совитгичда сақланг. Бу вақт ичида у зичлашади ва янада мазалироқ бўлади.
Ёқимли иштаҳа!
Манба: «Вкусно дома»
Изоҳ (0)