Орландодан Буюк Британиянинг Бристоль шаҳрига чартер рейсини амалга ошираётган Thomson Airways компанияси самолёти бортда икки стюардесса ҳушидан кетгач, ўзи учиб чиққан аэропортга қайтишга мажбур бўлди, деб ёзади «Вести.ru».
Ҳодиса 21 май куни содир бўлди. 345 йўловчини олиб кетаётган Boeing Dreamliner самолёти воқеа чоғида парвознинг тахминан 80-дақиқасини ўтказаётган эди. Кутилмаганда салон бўйлаб ғалати заҳарли ҳид тарқалди, у туфайли баъзи йўловчиларнинг мазаси қочди, икки стюардесса эса ҳатто, ҳушини йўқотди.
Экипаж Орландога қайтишга қарор қилди. Қўнгандан сўнг, жабрланган йўловчиларга ва экипаж аъзоларига кислородли ниқоблар кийдирилди, бир неча киши эса қўшимча текширув учун касалхонага етказилди. Ҳодиса натижасида ҳеч кимга жиддий зарар етмади.
Изоҳ (0)