Венесуэладаги норозилик акциялари давомида зўравонлик ва тартибсизликлар оқибатида апрель ойи бошидан бери 55 киши ҳалок бўлди. Бу ҳақда мамлакат бош прокурори Луиза Ортега Диас маълум қилди, дея хабар беради «ТАСС».
Олдинроқ қурбонлар сони 44 кишини ташкил этгани билдирилганди.
Прокурорга кўра, ҳалок бўлганлар 52 нафар фуқаро ва 3 нафар ҳуқуқ-тартибот идоралари ходимидан иборат. Шунингдек, 1000 га яқин киши, жумладан, 229 нафар куч тизими ходим жабрланди.
«500 киши хавфсизлик кучлари ҳаракатлари туфайли жароҳатланди. Ҳуқуқ-тартибот идоралари 1,4 мингдан ортиқ жиноий иш қўзғади, улардан 1,3 минги шахсга қарши жиноятлар учун. 19 нафар полициячи ва ҳарбий хизматчи жавобгарликка тортилди», — дейди Луиза Ортега Диас.
Изоҳ (0)