АҚШ адлия вазирлиги «дизелли можаро» доирасида Fiat Chrysler концернига қарши фуқаровий даъво қўзғади. Бу ҳақда АҚШ атроф-муҳит муҳофазаси агентлиги маълум қилди, дея хабар беради «ТАСС».
Жорий йил январь ойида мазкур агентлик ва Калифорния штати расмийлари Fiat Chrysler ўз автомобилларида газ ташланмаларининг аниқ кўрсаткичини яширишга имкон берувчи ноқонуний дастурий таъминот ўрнатганлиги аниқланди.
Гап АҚШда 2014 йил бошидан бери сотилган 100 мингдан ортиқ автомобиль, жумладан, Jeep Grand Cherokee ва Ram моделлари ҳақида кетмоқда.
Суд ушбу айбловларни асосли деб топган тақдирда Fiat Chrysler 4,6 миллиард долларгача бўлган жаримага тортилади. Шунингдек, концерн айбини тан олиб, жарима тўлашга рози бўлган Volkswagen каби АҚШ расмийлари билан келишувга эришиши мумкин.
Изоҳ (0)