AQSh adliya vazirligi “dizelli mojaro” doirasida Fiat Chrysler konserniga qarshi fuqaroviy da’vo qo‘zg‘adi. Bu haqda AQSh atrof-muhit muhofazasi agentligi ma’lum qildi, deya xabar beradi “TASS”.
Joriy yil yanvar oyida mazkur agentlik va Kaliforniya shtati rasmiylari Fiat Chrysler o‘z avtomobillarida gaz tashlanmalarining aniq ko‘rsatkichini yashirishga imkon beruvchi noqonuniy dasturiy ta’minot o‘rnatganligi aniqlandi.
Gap AQShda 2014-yil boshidan beri sotilgan 100 mingdan ortiq avtomobil, jumladan, Jeep Grand Cherokee va Ram modellari haqida ketmoqda.
Sud ushbu ayblovlarni asosli deb topgan taqdirda Fiat Chrysler 4,6 milliard dollargacha bo‘lgan jarimaga tortiladi. Shuningdek, konsern aybini tan olib, jarima to‘lashga rozi bo‘lgan Volkswagen kabi AQSh rasmiylari bilan kelishuvga erishishi mumkin.
Izoh (0)