Жошуадан мағлуб бўлганига қарамай, кичик Кличко рейтингда Тайсон ҳамда Льюисдан ўзиб кетди

Украиналик машҳур боксчи Владимир Кличко бокс тарихидаги энг кучли 10 нафар чарм қўлқоп усталари сафига киритилди, деб хабар берди «Оламспорт».

Бу билан у афсонавий боксчилар — Майк Тайсон ва Леннокс Льюисни ортда қолдиришга муваффақ бўлди. Чунки кичик Кличко 9,5 йил давомида жаҳон чемпионлиги унвонини ўзида сақлаб келган.

Рейтинг тузишда компьютер маълумотлари инобатга олинмаган ва Владимир Кличко унинг 6-поғонасига жойлаштирилган. Украиналик боксчи шу тариқа Жорж Форман, Жо Фрейзер, Майк Тайсон, Леннокс Льюис ва Рокки Марчиано каби ҳамкасбларини ортда қолдирди.

Муҳаммад Али, Жо Луис, Сэм Ленгфорд, Эвандер Холифилд, Герри Уилсс каби чарм қўлқоп усталари Кличкодан олдинроқ ўринларни банд этган. Бунда Уилсс ва Ленгфорднинг ХХ аср бошларидаги жанглари ҳам инобатга олинган. Уиллс профессионал боксда 83, Ленгфорд эса 248 та жанг ўтказган.