Россия тергов органлари Кемерово вилоятининг Березовский шаҳрида уйнинг тўртинчи қаватидан сакраган қизалоқнинг жароҳат олиши бўйича вазиятни ўрганмоқда. Бу ҳақда Россия тергов қўмитасининг минтақа бўйича бошқармаси матбуот хизматига таяниб, «Интерфакс» хабар берди.
Олти ёшли қизалоқ турли жароҳатлар билан 18 май куни шифохонага олиб келинган. Қизалоқни кўп қаватли уй ёнидан қўшнилари топиб олган, ундан сал нарида очиқ турган соябон ётган.
«Айни вақтда жабрланувчининг соғлиғига ҳеч нима хавф солмаяпти», — дея таъкидланди хабарда.
Дастлабки маълумотларга кўра, қизча бош қаҳрамони соябон ёрдамида учадиган фильмни томоша қилган. Бобоси қизалоқни уйда ёлғиз қолдирган вақтда эса у соябонни олган ва кинода кўрган парвозини синаб кўриш мақсадида тўртинчи қаватдан сакраган.
Таъкидланишича, қизча бобоси ва бувиси билан яшаган.
Изоҳ (0)