АҚШ савдо вазири Уилбур Росс президент Дональд Трамп Ар-Риёдда бўлиб ўтган араб мамлакатлари етакчиларининг саммитида нутқ сўзлаётган вақтда ухлаб қолди, деб хабар берди «Интерфакс».
Трампнинг нутқини Оқ уй матбуот хизмати тўғридан-тўғри трансляция қилди.
Президент нутқининг сўнггида, савдо-сотиқнинг аҳамияти ҳақида гапирганида камералар Трампнинг қизи билан бир қаторда ўтирган вазир Россга қаратилди.
Тасвирда Росс президент нутқ сўзлаётган пайтда қулоғига таржима учун мўлжалланган наушник тақиб олиб ухлаётгани кўринган.
Аввалроқ АҚШ матбуот котиби Рекс Тиллерсон Дональд Трампнинг Саудия Арабистонига ташрифидан мақсад терроризмга қарши кураш эканлигини таъкидлаган эди. Шу билан бирга Тиллерсон Америка президентининг ушбу ташрифини «тарихий» дея баҳолади.
Изоҳ (0)