Burger King собиқ Дахау концлагери ҳудудидаги мемориал комплекс автотураргоҳида реклама варақалари тарқатишни давом эттирса, 250 минг еврогача жаримага тортилиши мумкин. Бу ҳақда Мюнхен суди матбуот хизмати маълум қилди, деб хабар беради «РИА Новости».
ОАВга кўра, комплекс яқинида жойлашган Burger King ресторани вакиллари бир неча йил давомида мижозларни жалб этиш мақсадида мунтазам равишда автотураргоҳда реклама варақалари тарқатиб келган.
Мемориал вакилларининг кўплаб илтимосларига қарамай, бундай акциялар тўхтатилмаган. Бавария мемориал комплекслар фонди буни ҳақорат сифатида қабул қилди ва ишни судга оширди.
Изоҳ (0)