Куба АҚШ президенти Дональд Трамп мамлакат халқини Мустақиллик куни билан табриклаганини «бемаънилик» деб ҳисоблайди. Бу ҳақдаги расмий хабар Куба телевидениеси эфирида ўқиб эшиттирилди, деб маълум қилди «ТАСС».
«Қўшма Штатларнинг бу борада етарли маълумотга эга бўлмаган президенти Дональд Трампнинг Куба халқига 20 май куни муносабати билан йўлланган баёноти чоп этилди. АҚШда бу сана Куба республикаси ташкил топган кун ҳисобланади. Ваҳоланки, шу куни 1959 йил 1 январгача ҳукм сурган Америка мустамлакасига асос солинганди. 1959 йилда Кубада Фидель Кастро бошчилигидан инқилоб ғалаба қозонди ва америкапараст Батиста тузумига чек қўйилди», — дейилади Куба телевидениеси хабарида.
20 май куни Трамп Куба халқи ва АҚШдаги кубаликларни орол Испания ҳукмронлигидан халос бўлганининг 115 йиллиги билан табриклаганди.
У «Куба халқи демократик қадриятлар, иқтисодий, диний эркинликлар ва инсон ҳуқуқларини ёқловчи ҳукуматга муносиб» эканлигини таъкидлади.
Изоҳ (0)