БМТ бош котиби Антониу Гутерриш Ливиядаги авиабазага уюштирилган ҳужум оқибатида 140 дан ортиқ киши, жумладан, тинч аҳоли ўлдирилганидан хавотир билдирди. Бу ҳақда халқаро ташкилот раҳбари девонхонаси тарқатган баёнотда маълум қилинди, деб хабар беради «ТАСС».
«Бош котиб Ливия жанубидаги авиабазада ҳарбий ҳаракатлар авж олганидан чуқур хавотирда ва барча томонларни ўзини тийиш ҳамда тинчликни тиклашга чақиради. У, хусусан, қурбонлар сони кўплиги, шунингдек, тинч аҳоли вакиллари ўлдирилганидан ташвишда. Агар мазкур маълумотлар тасдиқланса, буни ҳарбий жиноят ҳисоблаш мумкин», — дейилади баёнотда.
Гутерришга кўра, Ливиядаги вазият можарони ҳарбий йўл билан ҳал қилишнинг имкони йўқлигидан далолат беради. Шу сабабли у барча томонларни мамлакатда ҳукм сураётган инқирозни сиёсий жиҳатдан бартараф этишга чақирди.
Изоҳ (0)