Нидерландия қироли Виллем-Александр 21 йил давомида KLM авиакомпанияси фуқаролик рейсларида учувчи бўлиб ишлаган. Йўловчилар бу ҳақда билмаган. Бу ҳақда у Telegraaf газетасига берган интервьюсида айтиб берди, деб ёзади «Rtvi.com».
Виллем-Александр ойига икки марта иккинчи учувчи бўлиб ишлаган, шунингдек, Fokker компаниясининг кичик йўловчи самолётларини бошқарган. У 2013 йилда тахтга ўтирганидан кейин ҳам учувчилик қилишда давом этди.
Қиролнинг сўзларига кўра, у самолётда баланд овозли алоқа орқали ҳеч қачон ўзини йўловчиларга таништирмаган, аммо баъзилар уни овозидан таниб қолган. Саёҳатчиларнинг кўпчилиги уларнинг қаршисида қирол турганини фаҳмламаган, чунки у доимо KLM фуражкасини кийиб юрган.
Бу йил KLM Fokker самолётларини Boeing 737’га алмаштиришга қарор қилди. Учувчилик карьерасини тўхтатмаслик учун Виллем-Александр Boeing 737 каби катта йўловчи самолётларини бошқаришни қайтадан ўрганмоқчи.
Изоҳ (0)