Қирғизистонда масжидлар сони умумтаълим мактабларидан ҳам кўп. Бу ҳақда Жокоргу Кенеш («Юқори Кенгаш») халқаро масалалар, мудофаа ва хавфсизлик қўмитаси йиғилишида мамлакат Дин ишлари комиссияси директор ўринбосари Зокир Чўтаев маълум қилди, дея хабар беради «Казинформ».
Чўтаевга кўра, собиқ Иттифоқ тарқалган пайт Қирғизистонда 39 масжид бўлган, ҳозир уларнинг сони 2600 тани ташкил этмоқда. Бу эса мамлакатдаги мактаблар сонидан ҳам кўп.
«Кейинги йилларда жамиятда диннинг радикаллашуви жараёнлари фаоллашди, ёшлар хорижда диний таълим олишга интилмоқда. Улар асосан Саудия Арабистони, Миср, Туркия, Покистон, Афғонистон, Ҳиндистон ва Эрон диний таълим муассасаларига ўқишга кетмоқда. Бу сафда ҳатто 9—14 ёшдаги вояга етмаганлар ҳам борлиги кишини ташвишга солади. Давлат томонидан бу соҳада тегишли маълумот ва назоратнинг йўқлиги мамлакат миллий хавфсизлигига салбий таъсир кўрсатади», — дейди Қирғизистон дин ишлари комиссияси директор ўринбосари.
Изоҳ (0)