Шопинг фестивали билан машҳур Бирлашган Араб Амирликларида 90 фоизлик чегирмалар билан мингдан ортиқ дўкон иштирок этувчи уч кунлик фестиваль бошланиши ҳақида эълон қилинди. Бу ҳақда UAE Inside хабар бермоқда.
Фестиваль Туризм ва Тижорат маркетинги департаменти томонидан ташкил этилган ва у 30 фоиздан 90 фоизгача «дискаунт»ни таклиф этувчи 250 дан ортиқ турли брендни ўз ичига олади.
Бу каби акциялар эскирган коллекцияларни «сотиб юбориш»ни ҳукумат томонидан назорат қилиш ташаббуси доирасида бир йил давомида бир неча марта ўтказилади. Энди дўконлар омбордаги эски буюмларни тушуриб, катта чегирмалар ҳафтасини эълон қила олмайди: бунинг учун машҳур Dubai Shopping Festival’дан ташқари йилига бир нечта ҳафта ажратилади.
Бу чора дўконлар «ёлғон чегирмалар»ни амалга оширмаслиги учун қаратилган. Акцияда иштирок этаётган машҳур брендлардан қуйидагиларни келтириб ўтиш мумкин: Guess, Iddesign, Steve Madden, Kurt Geiger, Roberto Cavalli, Galeries Lafayette, Furla, Balmain, Garage, Toms, Birkenstock, Nine West.
Изоҳ (0)