АҚШ Сенатининг Қуролли кучлар ишлари бўйича қўмитаси раиси Жон Маккейн президент Дональд Трамп маъмуриятидаги вазиятни «Уотергейт можароси» билан таққослаш мумкинлигини билдирди. Бу ҳақда «ТАСС» хабар бермоқда.
«Биз бу кинони олдин кўрганмиз. У ‘Уотергейт’ кўламига етди. Бу мамлакат учун яхши эмас», — дея таъкидлади Маккейн Халқаро республикачилар институтидаги чиқиши чоғида.
Олдинроқ The New York Times нашри Трамп ФҚБ директори Комини ишдан бўшатишдан аввал ундан ўзининг миллий хавфсизлик бўйича собиқ ёрдамчиси Майкл Флиннга нисбатан текширувни тўхтатишни талаб этганини маълум қилганди.
Маълумот учун, 1972 йилда Демократлар партияси марказий офиси жойлашган «Уотергейт» мажмуида президентлик сайлови арафасида эшитувчи қурилмаларни жойлаштиришга уринган шахслар қўлга олинганди. «Уотергейт можароси» деб ном олган ҳодиса президент Ричард Никсоннинг1974 йилда истеъфо бериши билан якунланди.
Изоҳ (0)