Қозоғистон дунё бозоридаги мураккаб вазиятга қарамай, уран қазиб олиш бўйича етакчилик мавқейини сақлаб қолиш ниятида. Бу ҳақда мамлакат энергетика вазири Канат Бозумбаев парламент қуйи палатасидаги чиқиши чоғида маълум қилди, дея хабар беради «ТАСС».
«Бозорда уран керагидан ортиқлиги 2020 йилгача сақланиб қолиши ва бунинг оқибатида нархларнинг ўзгарувчанлиги, талаб ва таклиф ўртасидаги мувозанатнинг бузилиши кутилмоқда. Шундай мураккаб вазиятга қарамай, Қозоғистон дунё бозоридаги етакчилик мавқейини сақлаб қолиш ниятида», — дея таъкидлади Канат Бозумбаев.
Вазирга кўра, Қозоғистон 2009 йилда уран қазиб олиш бўйича дунёда биринчи ўринга чиқди ва буни ҳозирга қадар сақлаб келмоқда.
2016 йилда мамлакатда уран қазиб олиш ҳажми 24 минг 689 тоннани ташкил этди ва 2009 йилга нисбатан 76 фоизга ошди.
Изоҳ (0)