Россия ва Саудия Арабистони ОПЕК ва альянсга аъзо бўлмаган мамлакатларнинг нефть қазиб олишни қисқартириш бўйича келишувини яна 9 ой — 2018 йил марти охиригача узайтиришга тайёр. Бу ҳақда икки мамлакат энергетика вазирлари Александр Новак ва Холид ал-Фалихнинг қўшма баёнотида маълум қилинди, дея хабар беради «Корреспондент.net».
«Вазирлар бозорни барқарорлаштириш бўйича уринишларнинг асосий мақсади — нефтнинг дунёдаги захиралари ҳажмини 5 йил давомидаги ўртача кўрсаткичларга келтириш, шунингдек, ишлаб чиқарувчиларнинг барқарорликни таъминлаш бўйича қатъиятини тасдиқлаш учун келишувни 2018 йил 31 мартгача узайтириш зарурлиги ҳақидаги хулосага келди», — дейилади баёнотда.
Новак ва Фалих нефть қазиб олишни қисқартириш тўғрисидаги келишув хом ашёнинг дунё захиралари қисқариб бориши ва нефтга бўлган талаб ошишига олиб келганини таъкидлади.
Маълумот учун, ОПЕК 25 май куни Венада бўлиб ўтадиган навбатдаги йиғилишида нефть қазиб олишни қисқартириш бўйича келишувни узайтириш масаласини кўриб чиқади.
Изоҳ (0)